"Liverpul"ning sobiq himoyachisi va hozirgi futbol mutaxassisi Jeymi Karrager o‘z ijtimoiy tarmog‘ida tarixdagi eng yaxshi futbolchi kimligini o‘zi uchun tanladi.
Birinchi o‘ringa angliyalik futbolchi Qatardagi jahon chempionatida g‘olib chiqqan hujumchi Lionel Messini qo‘ydi. Ikkinchi o‘rinda Leoning hamyurti – Diyego Armando Maradona bo‘ldi. Uchinchi o‘rinni afsonaviy braziliyalik Pele egalladi.
JCH-2022 finalida Argentina terma jamoasi Fransiya termasi ustidan qozonilgan g‘alabani nishonladi (3:3, penaltilar bo‘yicha 4:2). Ushbu bahsda 35 yoshli Messi ikkita gol urdi. Lionel jahon chempionatining eng yaxshi futbolchisi deb tan olindi.
