"Atletiko Madrid" "Fiorentina"ning marokashlik yarim himoyachisi Sofyan Amrabatga qiziqish bildirmoqda, deb xabar beradi Marca.
Manbaga ko‘ra, ispan klubi qishki yoki yozgi transfer oynasida futbolchini sotib olish variantini ko‘rib chiqmoqda. Italiyaliklar afrikalikni 40 million yevroga baholamoqda. Avvalroq yarim himoyachi "Liverpul" va "Tottenxem" qiziqishlari doirasida ekanligi haqida xabarlar tarqalgan edi.
Joriy mavsumda 26 yoshli Amrabat “Fiorentina” va Marokash terma jamoasi safida barcha musobaqalarda 32 ta o‘yinda maydonga tushdi. Uning klub bilan shartnomasi 2024 yilning yoziga qadar mo‘ljallangan.