"Атлетико Мадрид" "Фиорентина"нинг марокашлик ярим ҳимоячиси Софьян Амрабатга қизиқиш билдирмоқда, деб хабар беради Marca.
Манбага кўра, испан клуби қишки ёки ёзги трансфер ойнасида футболчини сотиб олиш вариантини кўриб чиқмоқда. Италияликлар африкаликни 40 миллион еврога баҳоламоқда. Аввалроқ ярим ҳимоячи "Ливерпуль" ва "Тоттенхэм" қизиқишлари доирасида эканлиги ҳақида хабарлар тарқалган эди.
Жорий мавсумда 26 ёшли Амрабат “Фиорентина” ва Марокаш терма жамоаси сафида барча мусобақаларда 32 та ўйинда майдонга тушди. Унинг клуб билан шартномаси 2024 йилнинг ёзига қадар мўлжалланган.