Marokash va "Fiorentina" yarim himoyachisi Sofyan Amrabat vakillari "Liverpul" rahbariyati bilan uchrashdi, deb xabar beradi Foot Mercato.
Manba bergan xabarga ko‘ra, tomonlar 26 yoshli futbolchining ingliz klubiga ehtimoliy transferini muhokama qilishgan. "Liverpul" bosh murabbiyi Yurgen Klopp qishki transfer oynasi uchun Amrabatni asosiy maqsad qilib qo‘ygan.
Xabarlarga ko‘ra, marokashlik yarim himoyachiga "Tottenxem" ham qiziqmoqda, biroq futbolchi "Liverpul"ga o‘tishni afzal ko‘rmoqda.
Avvalroq OAV "Fiorentina" Amrabat bilan shartnomani avtomatik ravishda uzaytirish variantini faollashtirishi haqida xabar bergan edi. Yarim himoyachining Italiya klubi bilan amaldagi shartnomasi 2024 yilning yoziga qadar mo‘ljallangan.
Transfermarkt portali futbolchining narxini 10 million yevroga baholamoqda. Joriy mavsumda Amrabat “Fiorentina” safida A seriyada 13 ta o‘yin o‘tkazdi va gol ura olmadi.
Qatarda bo‘lib o‘tgan jahon chempionatida futbolchi Marokash terma jamoasi safida turnirdagi barcha 7ta o‘yinda maydonga tushib, to‘rtinchi o‘rinni egalladi.