Марокаш ва "Фиорентина" ярим ҳимоячиси Софьян Амрабат вакиллари "Ливерпуль" раҳбарияти билан учрашди, деб хабар беради Foot Mercato.
Манба берган хабарга кўра, томонлар 26 ёшли футболчининг инглиз клубига эҳтимолий трансферини муҳокама қилишган. "Ливерпуль" бош мураббийи Юрген Клопп қишки трансфер ойнаси учун Амрабатни асосий мақсад қилиб қўйган.
Хабарларга кўра, марокашлик ярим ҳимоячига "Тоттенхэм" ҳам қизиқмоқда, бироқ футболчи "Ливерпуль"га ўтишни афзал кўрмоқда.
Аввалроқ ОАВ "Фиорентина" Амрабат билан шартномани автоматик равишда узайтириш вариантини фаоллаштириши ҳақида хабар берган эди. Ярим ҳимоячининг Италия клуби билан амалдаги шартномаси 2024 йилнинг ёзига қадар мўлжалланган.
Transfermarkt портали футболчининг нархини 10 миллион еврога баҳоламоқда. Жорий мавсумда Амрабат “Фиорентина” сафида А серияда 13 та ўйин ўтказди ва гол ура олмади.
Қатарда бўлиб ўтган жаҳон чемпионатида футболчи Марокаш терма жамоаси сафида турнирдаги барча 7та ўйинда майдонга тушиб, тўртинчи ўринни эгаллади.