FIFA prezidenti Janni Infantino jahon chempionati har uch yilda bir marta o‘tkazilishini istaydi.
Daily Mail nashrining yozishicha, Infantino Qatardagi jahon chempionatidagi muvaffaqiyatdan hayratda. Uning ishonchi komilki, qishda turnirni o‘tkazish katta o‘zgarishlarga olib keldi va futbol yanada o‘sish va globallashuv salohiyatiga ega ekanligini ko‘rsatdi.
Mavsum o‘rtasidagi turnir jahon chempionatida jarohatlar sonini ko‘paytiradi degan xavotirlarga qaramay, daromad bo‘yicha rekord o‘rnatildi. FIFA 6,2 milliard funt sterling foyda oldi, bu JCH-2018 yakunidagidan 840 million funtga ko‘p.
Endi Infantino turnirning hozirgi formatini o‘zgartirishni maqsad qilgan. FIFA rahbari har uch yilda bir marta o‘tkazilishini istamoqda. Bunda jahon chempionatlari oralig‘idagi yillarda 2025 yildan boshlab 32 ta jamoa ishtirok etadigan klublar o‘rtasidagi jahon chempionati va qit’a turnirlari o‘tkaziladi.
Bunday o‘zgarishlar faqat 2030 yilgi Jahon chempionatidan keyin sodir bo‘lishi mumkin, chunki 2024 yildan 2030 yilgacha bo‘lgan davr uchun xalqaro futbol taqvimi bo‘yicha muzokaralar deyarli yakuniga yetgan.
Avvalroq UEFA va KONMEBOL jahon chempionatini har ikki yilda bir marta o‘tkazishga qarshi chiqqan edi.
