ФИФА президенти Жанни Инфантино жаҳон чемпионати ҳар уч йилда бир марта ўтказилишини истайди.
Даилй Маил нашрининг ёзишича, Инфантино Қатардаги жаҳон чемпионатидаги муваффақиятдан ҳайратда. Унинг ишончи комилки, қишда турнирни ўтказиш катта ўзгаришларга олиб келди ва футбол янада ўсиш ва глобаллашув салоҳиятига эга эканлигини кўрсатди.
Мавсум ўртасидаги турнир жаҳон чемпионатида жароҳатлар сонини кўпайтиради деган хавотирларга қарамай, даромад бўйича рекорд ўрнатилди. ФИФА 6,2 миллиард фунт стерлинг фойда олди, бу ЖЧ-2018 якунидагидан 840 миллион фунтга кўп.
Энди Инфантино турнирнинг ҳозирги форматини ўзгартиришни мақсад қилган. ФИФА раҳбари ҳар уч йилда бир марта ўтказилишини истамоқда. Бунда жаҳон чемпионатлари оралиғидаги йилларда 2025 йилдан бошлаб 32 та жамоа иштирок этадиган клублар ўртасидаги жаҳон чемпионати ва қитъа турнирлари ўтказилади.
Бундай ўзгаришлар фақат 2030 йилги Жаҳон чемпионатидан кейин содир бўлиши мумкин, чунки 2024 йилдан 2030 йилгача бўлган давр учун халқаро футбол тақвими бўйича музокаралар деярли якунига етган.
Аввалроқ УEФА ва КОНМEБОЛ жаҳон чемпионатини ҳар икки йилда бир марта ўтказишга қарши чиққан эди.
