"PSJ" e’tiborini "Real" vingeri Marko Asensioga qaratdi, deb xabar beradi Mundo Deportivo.

Manbaga ko‘ra, Parij klubi 26 yoshli ispaniyalik futbolchi uchun kurashga qo‘shilgan va uni yozda o‘z safiga qo‘shib olmoqchi. Asensioning "Real" bilan shartnomasi 2022/23 yilgi mavsum oxirida tugaydi va u erkin agent sifatida ketishi mumkin.

OAV futbolchiga "Barselona" va "Arsenal" klublari qiziqish bildirayotgani haqida xabarlar tarqalgandi. Shuningdek, qanot hujumchisi Madrid klubi bilan yangi shartnoma imzolamoqchi ekani ma’lum bo‘ldi.

Asensio joriy mavsum “Real” safida barcha turnirlar doirasida 15 ta o‘yinda maydonga tushib, 3 ta gol urdi va 3 ta golli uzatmani amalga oshirdi. Transfermarkt portali futbolchining narxini 25 million yevroga baholamoqda.