Germaniyaning "Ayntraxt" klubi bosh direktori Aksel Xelmann jamoaga yozgi transfer oynasida portugaliyalik hujumchi Krishtianu Ronalduni sotib olish taklifi tushganini aytdi.
"Bizga hatto Ronalduni taklif qilishdi. Men buni Chempionlar ligasida o‘ynaydigan barcha klublarga taklif qilishganini his qilyapman", - dedi "Ayntraxt" bosh direktori DAZN bilan suhbatda.
Noyabr oyida Ronalduning britaniyalik jurnalist Pirs Morgan bilan shov-shuvli intervyusidan so‘ng, avvalgi jamoasi "Manchester Yunayted" shartnomasini bekor qilganidan so‘ng, 37 yoshli hujumchi erkin agentga aylangandi.