Madridning “Atletiko” klubi hujumchisi Mateus Kunya “Vulverxempton” bilan shartnoma imzolagani haqidagi mish-mishlarga qaramay, Londonning “Arsenal” klubiga o‘tishi mumkin.
Goal.com jurnalistlarining yozishicha, "kanonirlar" rahbariyati 23 yoshli janubiy amerikalik futbolchiga faol qiziqish bildirmoqda. O‘z navbatida, "matraschilar" Kunyaga taxminan 28 million yevro to‘lashsa, uni "Arsenal"ga qo‘yib yuborishga tayyor.
Mateus Madrid jamoasida zaxira o‘yinchisi hisoblanadi. Joriy mavsumda u Ispaniya chempionatining 11ta o‘yinida qatnashib, ikkita gol urishga muvaffaq bo‘ldi. Uning "matraschilar" bilan tuzilgan shartnomasi 2026 yilning o‘rtalarigacha hisoblangan.