Мадриднинг “Атлетико” клуби ҳужумчиси Матеус Кунья “Вулверхэмптон” билан шартнома имзолагани ҳақидаги миш-мишларга қарамай, Лондоннинг “Арсенал” клубига ўтиши мумкин.
Goal.com журналистларининг ёзишича, "канонирлар" раҳбарияти 23 ёшли жанубий америкалик футболчига фаол қизиқиш билдирмоқда. Ўз навбатида, "матрасчилар" Куняга тахминан 28 миллион евро тўлашса, уни "Арсенал"га қўйиб юборишга тайёр.
Матеус Мадрид жамоасида захира ўйинчиси ҳисобланади. Жорий мавсумда у Испания чемпионатининг 11та ўйинида қатнашиб, иккита гол уришга муваффақ бўлди. Унинг "матрасчилар" билан тузилган шартномаси 2026 йилнинг ўрталаригача ҳисобланган.