Avval xabar berganimizdek, Parij-2024 uchun faqat 120ta kvota ajratilgan. 60tasi erkaklar uchun va yana 60tasi ayollar uchun. 60ta kvota o‘z o‘rnida 5ta vazn toifada teng taqsimlanadi.

Erkaklarda ushbu 5ta vazn toifalar: 61 kg, 73kg, 89kg, 102kg va +102kg. Ayollarda esa: -49kg, -59kg, -71kg, -81kg va +81kg

Yana bir ahamiyatli jihati shuki: har bir vazn toifada faqat bir mamlakatdan bir sportchi ishtirok etishi mumkin.

Undan tashqari bir mamlakatdan maksimum 3ta erkak va 3ta ayol sportchi kvota yutishi mumkin (agar Olimpiya reytingida bir mamlakatdan 3tadan ortiq sportchi kvota qo‘lga kiritgan bo‘lsa, unda o‘sha davlat federasiyasi faqatgina 3 sportchini tanlab xalqaro federasiyaga ma’lum qiladi va tanlanmagan sportchi reytingdan olib tashlanadi va undan quyi pog‘onadagi sportchi reytingda yuqorilaydi).

Kuni kecha tashkiliy qo‘mita musobaqa qachon va qayerda o‘tishini ma’lum qildi. O‘yinlar taqvimiga ko‘ra og‘ir atletika musobaqalari 7 avgust sanasidan 11-avgustgacha davom etadi. Musobaqlar Parij Ekspo markazining Janubiy Parij-6 pavilionida bo‘lib o‘tadi.

Reyting ochko taqdim qiluvchi kvalifikasion musobaqalar ham yangilandi.

Ikkita majburiy musobaqa (ushbu musobaqada ishtirok etmagan sportchi Parij yo‘llanmasini qo‘lga kirita olmaydi):

2023 Jahon chempionati 2-17 sentyabr - Ar-Riyod, Saudiya Arabistoni
2024 IWF Jahon Kubogi 2-11 aprel - Puket, Tailand


Kvalifikasion musobaqalar (sportchilar kamida uchtasida ishtirok etish majburiy xisoblanadi)

2022 Jahon chempionati 5-16 dekabr - Bogota, Kolumbiya
2023 Osiyo chempionati 3-13 may - Jinju, Janubiy Koreya
2023 Gran-Pri I 2-12 iyun - Gavana, Kuba
2023 Gran-Pri II dekabr - Doha, Qatar
2024 Osiyo Chempionati 5-15 fevral - Toshkent, O‘zbekiston

2024 yilning 28 aprel kuni Parij-2024 kvalifikasiya sikli o‘z nihoyasiga yetadi.