Myunxengladbaxning "Borussiya" klubi hujumchisi Markus Tyuram qishki transfer oynasida "Inter"ga o‘tmasligi aniq bo‘lib ulgurdi.

Uzoq vaqt davomida “neradzurrilar” 25 yoshli jahon vise-chempioniga asosiy da’vogarlar hisoblanar edi, ammo endi klub kelishuvni yozgacha kutishga to‘g‘ri keladi, deb hisoblamoqda.

TMW xabariga ko‘ra, moliyaviy qiyinchiliklar tufayli “Inter” yanvar oyida talab qilinadigan 10- 12 millionni to‘lay olmaydi. Eslatib o‘tamiz, Fransiya terma jamoasi futbolchisiga "Bavariya" va "Manchester Yunayted" klublari ham da’vogarlik qilmoqda.

Markus Tyuram qishda yangi klubga o‘tmasa, kelasi yozda erkin agentga aylanadi, chunki uning shartnomasi 2022/23 yilgi mavsum oxirigacha amal qiladi.