"Arsenal" hujumchi Gabriel Martinelli bilan yangi shartnoma borasida kelishib oldi. Jurnalist Fabrisio Romanoning xabar berishicha, 21 yoshli braziliyalik London klubi bilan yangi shartnoma imzolashga og‘zaki rozilik bergan.
Futbolchining "Arsenal" bilan yangi shartnomasi 2027 yilning yoziga qadar mo‘ljallangan.
Braziliyalik futbolchi klubning eng ko‘p maosh oluvchi futbolchilaridan biriga aylanishi mumkin. "Kanonirlar" futbolchining maoshini haftasiga 200 ming funtga ko‘tarishga tayyor.
Martinelli joriy mavsumda 20 ta o‘yinda maydonga tushib, 5 ta gol urdi va 2 ta golli uzatmani amalga oshirdi.
