"Арсенал" ҳужумчи Габриэль Мартинелли билан янги шартнома борасида келишиб олди. Журналист Фабрицио Романонинг хабар беришича, 21 ёшли бразилиялик Лондон клуби билан янги шартнома имзолашга оғзаки розилик берган.
Футболчининг "Арсенал" билан янги шартномаси 2027 йилнинг ёзига қадар мўлжалланган.
Бразилиялик футболчи клубнинг энг кўп маош олувчи футболчиларидан бирига айланиши мумкин. "Канонирлар" футболчининг маошини ҳафтасига 200 минг фунтга кўтаришга тайёр.
Мартинелли жорий мавсумда 20 та ўйинда майдонга тушиб, 5 та гол урди ва 2 та голли узатмани амалга оширди.
