"Barselona" yanvar oyida hujumchi Memfis Depay bilan xayrlashmoqchi. Ammo ispan klubi boshqa jamoalardan hali rasmiy taklif olgani yo‘q, deb xabar beradi "Marca".
Kataloniya klubi rahbariyati futbolchi boshqa jamoalar bilan muzokaralarni ataylab buzmoqda, deb hisoblamoqda. Taxminlarga ko‘ra, Depay maoshini kamaytirish niyatida emas va keyingi yozda "Barsa"ni erkin agent sifatida tark etmoqchi.
Joriy mavsumda 28 yoshli hujumchi "ko‘k-anorranglilar" safida uchta o‘yin o‘tkazib, bitta gol urdi.
Avvalroq Kataloniya klubi futbolchini 5 million yevro evaziga qo‘yib yuborishga tayyorligi haqida xabar berilgandi.
