"Барселона" январь ойида ҳужумчи Мемфис Депай билан хайрлашмоқчи. Аммо испан клуби бошқа жамоалардан ҳали расмий таклиф олгани йўқ, деб хабар беради "Marca".
Каталония клуби раҳбарияти футболчи бошқа жамоалар билан музокараларни атайлаб бузмоқда, деб ҳисобламоқда. Тахминларга кўра, Депай маошини камайтириш ниятида эмас ва кейинги ёзда "Барса"ни эркин агент сифатида тарк этмоқчи.
Жорий мавсумда 28 ёшли ҳужумчи "кўк-анорранглилар" сафида учта ўйин ўтказиб, битта гол урди.
Аввалроқ Каталония клуби футболчини 5 миллион евро эвазига қўйиб юборишга тайёрлиги ҳақида хабар берилганди.
