Rossiyaning "Krasnodar" klubi hujumchisi Eduard Spersyan Armanistonning 2022 yildagi eng yaxshi futbolchisi bo‘ldi, deya xabar bermoqda Armaniston futbol federasiyasi rasmiy sayti.

Ovoz berish natijalariga ko‘ra, Spersyan 76 ball, Genrix Mxitaryan ikkinchi (74 ball), kuchli uchlikni (20 ball) “Pyunik” futbolchisi Artak Dashyan egalladi.

2022/2023 yilgi mavsumda Spersyan Rossiya Premyer-ligasida 16 ta o‘yin o‘tkazib, 9 ta gol urdi va 6 ta golli uzatmani amalga oshirdi. Shuningdek, uning hisobida Rossiya kubogida beshta o‘yin va bitta gol bor. Transfermarkt portali 22 yoshli Spersyanning narxini 9 million yevroga baholamoqda.

Eduard "Krasnodar" klubi tarbiyalanuvchisi. U 2021 yilning yozidan beri "buqalar" tarkibida o‘ynamoqda. Spersyan Armaniston terma jamoasida ham o‘ynagan: 13 o‘yin va uchta gol.