“Andijon” klubi bosh murabbiyi Aleksandr Xomyakov “Navbahor-farm” jamoasiga qarshi uchrashuvdan keyin o‘zining taassurotlari bilan o‘rtoqlashdi.

“Barcha yigitlarga o‘ynash imkoniyatini berib, ularni ko‘rib oldik. Shuningdek, yoshlarimizni ham sinovdan o‘tkazdik. Qiziqarli o‘yin bo‘ldi.

Umuman, o‘yindan qoniqish hosil qildim. Yoshlarni ham ko‘rib oldim, keyingi yig‘inga jalb qilinadigan bir necha futbolchilarni belgilab oldim. Yig‘in yaxshi bo‘lib o‘tdi, to‘la qoniqdim. Endi qisqa ta’tilga chiqamiz.

Biz belgilangan reja bo‘yicha tayyorlandik. Hammasini to‘liq bajardik. Shuning uchun yig‘indan qoniqish hosil qildim.

Navbatdagi yig‘inimiz 3 yanvardan 21 yanvargacha Dukentda bo‘lib o‘tadi. U yerda dastlab tibbiy ko‘rikdan o‘tamiz. Shuningdek, bir qator nazorat o‘yinlari o‘tkazishni mo‘ljallaganmiz. Fursatdan foydalanib, barchani kirib kelayotgan yangi yil bilan tabriklayman, hammaga baxt va omad tilayman”, - dedi Aleksandr Xomyakov.