“Андижон” клуби бош мураббийи Александр Хомяков “Навбаҳор-фарм” жамоасига қарши учрашувдан кейин ўзининг таассуротлари билан ўртоқлашди.

“Барча йигитларга ўйнаш имкониятини бериб, уларни кўриб олдик. Шунингдек, ёшларимизни ҳам синовдан ўтказдик. Қизиқарли ўйин бўлди.

Умуман, ўйиндан қониқиш ҳосил қилдим. Ёшларни ҳам кўриб олдим, кейинги йиғинга жалб қилинадиган бир неча футболчиларни белгилаб олдим. Йиғин яхши бўлиб ўтди, тўла қониқдим. Энди қисқа таътилга чиқамиз.

Биз белгиланган режа бўйича тайёрландик. Ҳаммасини тўлиқ бажардик. Шунинг учун йиғиндан қониқиш ҳосил қилдим.

Навбатдаги йиғинимиз 3 январдан 21 январгача Дукентда бўлиб ўтади. У ерда дастлаб тиббий кўрикдан ўтамиз. Шунингдек, бир қатор назорат ўйинлари ўтказишни мўлжаллаганмиз. Фурсатдан фойдаланиб, барчани кириб келаётган янги йил билан табриклайман, ҳаммага бахт ва омад тилайман”, - деди Александр Хомяков.