"Manchester Yunayted" Antoni uchun 86 million funt to‘lagan bo‘lsa, "Liverpul" Gakponi atigi 37 million funtga oldi. Bu qanday sodir bo‘ldi?
"Manchester Yunayted" o‘tgan yozda Niderlandiya chempionatining eng yirik yulduzlari hisoblangan Antoni va Kodi Gakpo o‘rtasida tanlovga ega edi.
Ular braziliyalik uchun 86 million funt to‘lashdi. Shu yilning dekabr oyida "Liverpul" Gakponi sotib olish uchun bu summaning yarmidan kamrog‘ini sarfladi.
Bu braziliyalik yaxshiroq deganimt? Yoki bu "Liverpul"ning muzokaralarni muvaffaqiyatli olib borish qobiliyatini ko‘rsatadimi?
"Liverpul" transfer kelishuvlarida yaxshi: "qizillar" o‘yinchilar uchun ortiqcha pul to‘lamasliklari bilan mashhur, Darvin Nunyesdan tashqari. Ular kelishuvdan maksimal foyda olishga intilishadi. “Qizillar” Tiago uchun 27 million funt, Fabinyo uchun 44 million funt va Luis Dias uchun atigi 37 million funt to‘lagan.
Gakponing transferi PSV tarixidagi eng yirik sotuvlar borasida 37 million funt bilan ikkinchi o‘ringa joylashdi. Irving Losano 2019 yilda “Napoli”ga 40 million funtdan sal ko‘proq evaziga sotib yuborilgan bo‘lsa, Memfis Depay, Stiven Bergveyn va boshqalar jamoadan ancha arzonga ketishgan.
Ammo "Ayaks" "Manchester Yunayted" rahbariyatidan 86 millionni "shilib olishga" muvaffaq bo‘ldi, ammo bu Antoni Gakpodan ikki baravar yaxshi yoki qimmatroq, degani emas.
