"Манчестер Юнайтед" Антони учун 86 миллион фунт тўлаган бўлса, "Ливерпуль" Гакпони атиги 37 миллион фунтга олди. Бу қандай содир бўлди?
"Манчестер Юнайтед" ўтган ёзда Нидерландия чемпионатининг энг йирик юлдузлари ҳисобланган Антони ва Коди Гакпо ўртасида танловга эга эди.
Улар бразилиялик учун 86 миллион фунт тўлашди. Шу йилнинг декабр ойида "Ливерпуль" Гакпони сотиб олиш учун бу сумманинг ярмидан камроғини сарфлади.
Бу бразилиялик яхшироқ деганимт? Ёки бу "Ливерпуль"нинг музокараларни муваффақиятли олиб бориш қобилиятини кўрсатадими?
"Ливерпуль" трансфер келишувларида яхши: "қизиллар" ўйинчилар учун ортиқча пул тўламасликлари билан машҳур, Дарвин Нуньесдан ташқари. Улар келишувдан максимал фойда олишга интилишади. “Қизиллар” Тиаго учун 27 миллион фунт, Фабиньо учун 44 миллион фунт ва Луис Диас учун атиги 37 миллион фунт тўлаган.
Гакпонинг трансфери ПСВ тарихидаги энг йирик сотувлар борасида 37 миллион фунт билан иккинчи ўринга жойлашди. Ирвинг Лосано 2019 йилда “Наполи”га 40 миллион фунтдан сал кўпроқ эвазига сотиб юборилган бўлса, Мемфис Депай, Стивен Бергвейн ва бошқалар жамоадан анча арзонга кетишган.
Аммо "Аякс" "Манчестер Юнайтед" раҳбариятидан 86 миллионни "шилиб олишга" муваффақ бўлди, аммо бу Антони Гакподан икки баравар яхши ёки қимматроқ, дегани эмас.
