"Arsenal" Mixail Mudrik transferi bo‘yicha muzokaralarni davom ettirmoqda.
Sky Sports xabariga ko‘ra, "Shaxtyor"ning 21 yoshli vingerining ehtimoliy transferiga klub optimizm bilan qaramoqda, chunki Mudrikning o‘zi bu transferdan manfaatdor.
Avvalroq, "Shaxtyor" "Arsenal"ning 40+20 million yevrolik taklifini rad etgani haqida xabar berilgandi. Ukraina klubi Mudrik uchun 100 million yevro olmoqchi.
UPLning joriy mavsumida Mudrik 12 ta o‘yin o‘tkazib, 7 ta gol urdi va 7 ta golli uzatmani amalga oshirdi. Chempionlar ligasi guruh bosqichida uning hisobida 3 ta gol va 2 ta golli uzatma bor.