"An-Nasr" "PSJ" himoyachisi Serxio Ramosga qiziqish bildirmoqda, deb xabar beradi Marca.
Manbaning xabariga ko‘ra, klub futbolchini hujumchi Krishtianu Ronaldu bilan birga sotib olmoqchi.
Ramosning parijliklar bilan shartnomasi 2023 yilning yoziga qadar tuzilgan, biroq tomonlar kelishuvni uzaytirishi ehtimoli katta.
36 yoshli futbolchi 2021 yilning yozida "PSJ"ga o‘tgan edi. Bu vaqt ichida u jamoa safida 26 ta o‘yin o‘tkazib, ikkita gol urgan.