"Chelsi" yarim himoyachisi Jorjinyo shu yozda klubni tekinga tark etishi mumkin, chunki tomonlar uning joriy shartnomasini uzaytirish bo‘yicha kelishuvga erisha olishmagan, bu mavsum oxirida tugaydi.
La Republicca xabariga ko‘ra, Jorjinyo 2014 yildan 2018 yilgacha o‘ynagan "Napoli" klubiga shu yozda tekinga o‘tish istagida.
31 yoshli italiyalik yarim himoyachining qaytishiga neapolliklar Jorjinyoning "Chelsi"da oladigan oylik maoshini (yiliga 6 million yevro) to‘lay olmasligi to‘siq bo‘lishi mumkin.
Transfer amalga oshishi uchun futbolchi maoshini deyarli ikki baravar kamaytirishga rozi bo‘lishi kerak.
Avvalroq, Jorjinyoga "Napoli"dan tashqari "Barselona" va "Nyukasl" ham qiziqish bildirayotgani haqida xabarlar tarqalgan edi.