Mashhur futbol funksioneri Mark Overmars mikroinfarktga uchradi. Bu haqda Belgiyaning «Antverpen» klubi matbuot xizmati xabar berdi. 49 yoshli gollandiyalik mutaxassis bu yerda futbol direktori lavozimida ishlayotgan edi.
Qayd etilishicha, Mark Overmars kasalxonaga yotqizilganidan so‘ng o‘zini yaxshi his qilmoqda, biroq u bir muncha vaqt ishlamay turadi. «Antverpen» Overmarsga tezroq tuzalib ketishini tiladi.
Mark Overmars joriy kalendar yilning mart oyida «Antverpen»ga kelib qo‘shilgan edi. Bundan sal avvalroq funksioner janjal tufayli «Ayaks»dan haydalgan.
