"Tottenxem" bosh murabbiyi Antonio Konte Premyer-liga uchrashuvida jamoasining "Aston Villa"dan uchralgan mag‘lubiyati (0:2) haqida fikr bildirdi.

“Shporlar” APLning joriy mavsumida beshinchi mag‘lubiyatini qabul qilib oldi va turnir jadvalining kuchli to‘rtligidagi o‘rnini boy berdi.

“Birinchi bo‘limda biz ancha shiddatli harakat qildik, ammo bizga chuqur va qattiq himoyalangan raqib qarshilik ko‘rsatdi. O‘tkazib yuborilgan gol futbolchilarimizni ishonchdan mahrum qildi.

Tarkibda ikki-uchta muhim o‘yinchi bo‘lmasa, katta qiyinchiliklarga duch kelamiz. Bizning muammolarimizdan yana biri bu kreativ ijrochilarning yo‘qligi va bugun golli vaziyatlar yaratish biz uchun haqiqatan ham qiyin bo‘ldi", - deydi italiyalik mutaxassis.