Himoyachi Deyan Lovren "Lion"ga o‘tganidan keyin "Zenit" bilan xayrlashdi. Dushanba kuni xorvatiyalik yangi klubi bilan ikki yarim yillik shartnoma imzolagani ma’lum bo‘ldi.
"Hammasi uchun rahmat, "Zenit". Dunyoning eng go‘zal shahrida ikki yarim yil o‘tkazganim menga juda yoqdi. Ko‘p go‘zal xotiralarni qalbimda abadiy saqlayman. G‘urur bilan ayta olamanki, men sizning sardoringiz bo‘lganimdan xursand bo‘ldim”, — deb yozdi Lovren ijtimoiy tarmoqda.
Deyan Lovren ham klub xodimlari, jamoadoshlari va murabbiylariga minnatdorchilik bildirdi. Xorvat "Zenit" mavsumning qolgan qismini yaxshi o‘tkazishiga ishonch bildirdi.
