Ҳимоячи Деян Ловрен "Лион"га ўтганидан кейин "Зенит" билан хайрлашди. Душанба куни хорватиялик янги клуби билан икки ярим йиллик шартнома имзолагани маълум бўлди.
"Ҳаммаси учун раҳмат, "Зенит". Дунёнинг энг гўзал шаҳрида икки ярим йил ўтказганим менга жуда ёқди. Кўп гўзал хотираларни қалбимда абадий сақлайман. Ғурур билан айта оламанки, мен сизнинг сардорингиз бўлганимдан хурсанд бўлдим”, — деб ёзди Ловрен ижтимоий тармоқда.
Деян Ловрен ҳам клуб ходимлари, жамоадошлари ва мураббийларига миннатдорчилик билдирди. Хорват "Зенит" мавсумнинг қолган қисмини яхши ўтказишига ишонч билдирди.
