Krishtianu Ronaldu yaqinda «An-Nasr» bilan shartnoma imzoladi. Portugaliyalik endi transfermarkt portali talqiniga ko‘ra, klubsiz bo‘lib turgan eng qimmat futbolchilar ro‘yxatidagi birinchi qatorni tark etdi.
Endi bu ro‘yxatda «Sevilya» bilan shartnomasini bekor qilgan Isko peshqadam. 30 yoshli futbolchi 9 million yevroga baholanmoqda. Ikkinchi o‘rinda Deyli Blind. U yaqinda «Ayaks»ni tark etishga rozi bo‘ldi. Gollandiyalik futbolchining narxi 6 million yevro.
Ushbu reytingda rossiyalik Artyom Dzyuba uchinchi o‘rinni egallaydi. «Zenit»ning sobiq hujumchisi 4 million yevroga baholanmoqda.
