Криштиану Роналду яқинда «Ан-Наср» билан шартнома имзолади. Португалиялик энди трансфермаркт портали талқинига кўра, клубсиз бўлиб турган энг қиммат футболчилар рўйхатидаги биринчи қаторни тарк этди.
Энди бу рўйхатда «Севилья» билан шартномасини бекор қилган Иско пешқадам. 30 ёшли футболчи 9 миллион еврога баҳоланмоқда. Иккинчи ўринда Дэйли Блинд. У яқинда «Аякс»ни тарк этишга рози бўлди. Голландиялик футболчининг нархи 6 миллион евро.
Ушбу рейтингда россиялик Артём Дзюба учинчи ўринни эгаллайди. «Зенит»нинг собиқ ҳужумчиси 4 миллион еврога баҳоланмоқда.
