“Yuventus” yarim himoyachisi Ueston Makkenni faoliyatini Angliyada davom ettirishi mumkin.

Jurnalist Janluka Di Marsio sayti xabariga ko‘ra, 24 yoshli amerikalik futbolchiga "Bornmut" qiziqish bildirmoqda. Turin klubi 40 million yevro miqdoridagi takliflarni ko‘rib chiqishga tayyor.

Futbolchining amaldagi shartnomasi 2025 yilgacha mo‘ljallangan. Transfermarkt portali futbolchining narxini 21 million yevroga baholamoqda.

Makkenni joriy mavsumda barcha turnirlarda 16 ta o‘yinda maydonga tushib, 3 ta gol urdi va 1 ta golli uzatmani amalga oshirdi.