Braziliya terma jamoasining sobiq futbolchisi Juninyo Pernambukano "Vasko da Gama" yarim himoyachisi Andrey Santosning "Chelsi"ga o‘tayotganidan hayratda ekanligini bildirdi.
Bu hali rasman tasdiqlanmagan bo‘lsa-da, "Chelsi" 18 yoshli Santos uchun 11 million funt sterling sarflayotgani aytilmoqda.
Juninyoning so‘zlariga ko‘ra, uning hamyurti yosh bo‘lishiga qaramay, "Chelsi"da o‘ynash uchun yetarli darajada.
Men hech qachon 18 yoshida u kabi tayyor futbolchini ko‘rmaganman. Jismoniy nuqtai nazaridan u yirtqich. Texnik jihatdan u yuqori darajada. U mendan yaxshiroq bo‘lmaydi - u mendan ancha yaxshi bo‘ladi", - dedi Juninyo talkSPORT bilan suhbatda.
