Bugun, 5 yanvar kuni bo‘lib o‘tishi kerak bo‘lgan Saudiya Arabistoni chempionatining 12-turidan o‘rin olgan "An-Nasr" – "Al-Tai" uchrashuvi noqulay ob-havo tufayli bir kunga qoldirildi. Uchrashuv Ar-Riyoddagi "Qirol Fahd" stadionida bo‘lib o‘tishi kerak edi.

"An-Nasr"ning matbuot xizmati xabariga koo‘ʻra, Saudiya Arabistoni poytaxtida kuchli yomg‘ir va yomon ob-havo sharoiti stadionning energiya ta’minotiga ta’sir qilishi mumkin. Bu o‘yin klubning yangi futbolchisi - portugaliyalik hujumchi Krishtianu Ronaldu uchun birinchi bo‘lishi mumkin.

Oldinroq OAV hujumchi ikki o‘yinga diskvalifikasiya qilinganiga qaramay, jamoada debyut o‘tkazishi mumkinligini xabar qilgandi.

Eslatib o‘tamiz, "An-Nasr" – "Al-Tai" uchrashuviga 28 000 ta chiptaning barchasi sotilgan.