Бугун, 5 январь куни бўлиб ўтиши керак бўлган Саудия Арабистони чемпионатининг 12-туридан ўрин олган "Ан-Наср" – "Ал-Таи" учрашуви ноқулай об-ҳаво туфайли бир кунга қолдирилди. Учрашув Ар-Риёддаги "Қирол Фаҳд" стадионида бўлиб ўтиши керак эди.
"Ан-Наср"нинг матбуот хизмати хабарига коўʻра, Саудия Арабистони пойтахтида кучли ёмғир ва ёмон об-ҳаво шароити стадионнинг энергия таъминотига таъсир қилиши мумкин. Бу ўйин клубнинг янги футболчиси - португалиялик ҳужумчи Криштиану Роналду учун биринчи бўлиши мумкин.
Олдинроқ ОАВ ҳужумчи икки ўйинга дисквалификация қилинганига қарамай, жамоада дебют ўтказиши мумкинлигини хабар қилганди.
Эслатиб ўтамиз, "Ан-Наср" – "Ал-Таи" учрашувига 28 000 та чиптанинг барчаси сотилган.
