“An-Nasr” yaqin orada Krishtianu Ronalduni ro‘yxatdan o‘tkazishi mumkin bo‘ladi.

Jurnalist Romen Molinaning yozishicha, Saudiya Arabistoni klubi FIFA sanksiyalari tufayli portugaliyalik hujumchi va boshqa yangi futbolchilarni ro‘yxatdan o‘tkaza olmadi. Bu chora-tadbirlar "An-Nasr"ning oldingi bir nechta transferlardan qolgan qarzlari bilan bog‘liq holda ko‘rilgan.

Endilikda klub qarzni uzdi va yangi futbolchilarni rasman ro‘yxatdan o‘tkazishi mumkin.

Oldinroq “An-Nasr” xorijlik futbolchilar limitidan oshib ketgani uchun Ronalduni qaydnomaga kirita olmagani xabar qilingandi.