“Ан-Наср” яқин орада Криштиану Роналдуни рўйхатдан ўтказиши мумкин бўлади.

Журналист Ромен Молинанинг ёзишича, Саудия Арабистони клуби ФИФА санкциялари туфайли португалиялик ҳужумчи ва бошқа янги футболчиларни рўйхатдан ўтказа олмади. Бу чора-тадбирлар "Ан-Наср"нинг олдинги бир нечта трансферлардан қолган қарзлари билан боғлиқ ҳолда кўрилган.

Эндиликда клуб қарзни узди ва янги футболчиларни расман рўйхатдан ўтказиши мумкин.

Олдинроқ “Ан-Наср” хорижлик футболчилар лимитидан ошиб кетгани учун Роналдуни қайдномага кирита олмагани хабар қилинганди.