Madridning "Real" klubi Dortmundning "Borussiya" klubi yarim himoyachisi Jud Bellingemning transferi uchun eng ko‘p sarflashga tayyor bo‘lgan mablag‘ni aniqladi.
Marca nashri xabariga ko‘ra, "qirollik klubi" futbolchi uchun 110 million yevrodan ko‘proq pul to‘lamoqchi emas.
Angliyalik futbolchining Madridga o‘tish istagini, shuningdek, "Real" va "Borussiya" o‘rtasidagi yaxshi munosabatlarni hisobga olsak, bu pul transferni amalga oshirish uchun yetarli bo‘lishi kerak.
Eslatib o‘tamiz, Bellingemga Angliya Premyer-ligasining ko‘plab top-klublari ham qiziqish bildirmoqda. 19 yoshli futbolchi katta ehtimol bilan mavsum oxirida Dortmundning "Borussiya" jamoasini tark etadi, chunki u bir necha bor bunga ishora qilgandi.
