"Liverpul" bosh murabbiyi Yurgen Klopp hujumchi Kodi Gakponing klubga o‘tishi haqida gapirdi.

"Bu yil biz Chempionlar ligasini kafolatlay olmaymiz, ammo Gakpo hech qachon buni so‘ramagan. Vaqti-vaqti bilan futbolchilardan: "Sizningcha, Chempionlar ligasiga chiqasizmi?", deb so‘rashadi.

Turnir jadvalini uning o‘zi ko‘radi. Kodi bu biroz qiyin qaror bo‘lishini bilardi. Biroq, menga yoqadigan jihati shundaki, u poyezdga sakrab tushishni emas, uni harakatga keltirmoqchi bo‘lgan yigit. Bu menga judayam yoqdi", - deya Kloppning so‘zlarini keltiradi "qizillar" matbuot xizmati.

"Liverpul" APLda 17 turdan keyin 28 ochko to‘plagan holda 6-o‘rinda, to‘rtinchi o‘rindagi "Manchester Yunayted"dan 7 ochko ortda qolmoqda.