"Ливерпуль" бош мураббийи Юрген Клопп ҳужумчи Коди Гакпонинг клубга ўтиши ҳақида гапирди.

"Бу йил биз Чемпионлар лигасини кафолатлай олмаймиз, аммо Гакпо ҳеч қачон буни сўрамаган. Вақти-вақти билан футболчилардан: "Сизнингча, Чемпионлар лигасига чиқасизми?", деб сўрашади.

Турнир жадвалини унинг ўзи кўради. Коди бу бироз қийин қарор бўлишини биларди. Бироқ, менга ёқадиган жиҳати шундаки, у поездга сакраб тушишни эмас, уни ҳаракатга келтирмоқчи бўлган йигит. Бу менга жудаям ёқди", - дея Клоппнинг сўзларини келтиради "қизиллар" матбуот хизмати.

"Ливерпуль" АПЛда 17 турдан кейин 28 очко тўплаган ҳолда 6-ўринда, тўртинчи ўриндаги "Манчестер Юнайтед"дан 7 очко ортда қолмоқда.