"Los-Anjeles Gelaksi" himoyachisi va Italiya terma jamoasining sobiq sardori Jorjio Kyellini milliy terma jamoaning sobiq murabbiyi Janluka Viallining o‘limiga munosabat bildirdi. Mutaxassis 6 yanvar kuni 58 yoshida vafot etdi.

"U uchun yig‘lashimizni xohlamaydigan buyuk odam. U bizga targ‘ib qilinishi kerak bo‘lgan ko‘plab qadriyatlarni qoldirdi. Vialli har doim to‘g‘ri so‘zlarni tanlash va yurakka tegishni bilardi. U boshqalarga qayg‘uradigan saxiy odam edi. Janluka bizni juda tez tark etdi, lekin u ko‘p narsalarni ortda qoldirdi.

U har doim hamma narsaga ijobiy nuqtai nazar bilan qaradi, kasallik haqida gapirishdan qo‘rqmadi va bizga haqiqiy qadriyatlarni singdirdi. Vialli Rimda bo‘lib o‘tgan Yevro-2020 g‘alaba bayramiga kela olmadi, chunki u davolanishni davom ettirishi kerak edi. U qanchalik hafsalasi pir bo‘lganini bilmaysiz. Terma jamoani erta tark etmaslik uchun katta harakat qildi. Janluka terma jamoani sog‘lig‘idan ustun qo‘ydi. Biz uning xotirasini doimo qalbimizda saqlab qolamiz", - deya Kyellinining so‘zlarini keltiradi Sky Sport Italia.