"Лос-Анжелес Гэлакси" ҳимоячиси ва Италия терма жамоасининг собиқ сардори Жоржио Кьеллини миллий терма жамоанинг собиқ мураббийи Жанлука Виаллининг ўлимига муносабат билдирди. Мутахассис 6 январ куни 58 ёшида вафот этди.
"У учун йиғлашимизни хоҳламайдиган буюк одам. У бизга тарғиб қилиниши керак бўлган кўплаб қадриятларни қолдирди. Виалли ҳар доим тўғри сўзларни танлаш ва юракка тегишни биларди. У бошқаларга қайғурадиган сахий одам эди. Жанлука бизни жуда тез тарк этди, лекин у кўп нарсаларни ортда қолдирди.
У ҳар доим ҳамма нарсага ижобий нуқтаи назар билан қаради, касаллик ҳақида гапиришдан қўрқмади ва бизга ҳақиқий қадриятларни сингдирди. Виалли Римда бўлиб ўтган Евро-2020 ғалаба байрамига кела олмади, чунки у даволанишни давом эттириши керак эди. У қанчалик ҳафсаласи пир бўлганини билмайсиз. Терма жамоани эрта тарк этмаслик учун катта ҳаракат қилди. Жанлука терма жамоани соғлиғидан устун қўйди. Биз унинг хотирасини доимо қалбимизда сақлаб қоламиз", - дея Кьеллинининг сўзларини келтиради Sky Sport Italia.
