O‘tgan mavsumdan keyin "Dinamo"dan "Navbahor" safida o‘tgan himoyachi Ibrohim Yo‘ldoshev samarqandlik muxlislarga murojaat qilib, minnatdorchilik bildirdi.
"Avvalambor, 2022 yilgi mavsumda bizni doimo qo‘llab-quvvatlab kelgan «Dinamo» muxlislarining har biriga minnatdorchiligimni yetkazmoqchiman. O‘tgan mavsum biz xohlagandek yakunlanmadi va muxlislarimizni g‘alabalar bilan ko‘proq quvontira olmaganimiz hamda jamoani Superligada olib qololmaganimizdan afsusdaman. Samarqand xalqiga va «Dinamo» muxlislariga barchasi uchun katta rahmat. Jamoa bir yildayoq Superligaga qaytishiga ishonaman va bu yo‘lda sobiq jamoamga omad va zafarlar tilab qolaman", - deydi Ibrohim Yo‘ldoshev.
Ma’lumot uchun, 23 yoshli himoyachi 2022 yil "Dinamo" safida eng ko‘p o‘yin o‘tkazgan futbolchi bo‘ldi. U 25 o‘yinda bitta gol va 3ta assist muallifiga aylandi
