"Yuventus" Italiya chempionati uchrashuvida yana o‘z darvozasi daxlsizligini saqlab qoldi.
Massimiliano Allegri shogirdlari o‘z maydonida “Udineze”ni minimal hisobda mag‘lub etib, A seriyada qatorasiga sakkizinchi “quruq” g‘alabasini qo‘lga kiritdi.
Umuman olganda, 17 turdan so‘ng, "byankoneri" 12 marta "nolga" o‘ynadi. Bu Italiya futboli tarixidagi ikkinchi eng yuqori ko‘rsatkichdir, deya qayd etadi Opta. 1996/97 yilgi mavsumdagi "Kalyari" bundan ham mustahkamroq rekordga ega edi. O‘shanda jamoa A Seriyaning 17 turidan keyin 13 ta "quruq" o‘yin ko‘rsatgan.
Bugungi g‘alabadan so‘ng “Yuventus” “Napoli”dan ochkolar farqini to‘rttaga qisqartirdi, ammo neapolliklar joriy turda hali o‘z o‘yinlarini o‘tkazgani yo‘q.
