"Ювентус" Италия чемпионати учрашувида яна ўз дарвозаси дахлсизлигини сақлаб қолди.
Массимилиано Аллегри шогирдлари ўз майдонида “Удинезе”ни минимал ҳисобда мағлуб этиб, А серияда қаторасига саккизинчи “қуруқ” ғалабасини қўлга киритди.
Умуман олганда, 17 турдан сўнг, "бянконери" 12 марта "нолга" ўйнади. Бу Италия футболи тарихидаги иккинчи энг юқори кўрсаткичдир, дея қайд этади Опта. 1996/97 йилги мавсумдаги "Кальяри" бундан ҳам мустаҳкамроқ рекордга эга эди. Ўшанда жамоа А Сериянинг 17 туридан кейин 13 та "қуруқ" ўйин кўрсатган.
Бугунги ғалабадан сўнг “Ювентус” “Наполи”дан очколар фарқини тўрттага қисқартирди, аммо неаполликлар жорий турда ҳали ўз ўйинларини ўтказгани йўқ.
