"Atletiko" o‘zining sobiq akademiya bitiruvchisi va "Manchester Yunayted" hujumchisi Alexandro Garnacho bilan shartnoma imzolamoqchi.
Xabarlarga ko‘ra, Joau Feliks yanvarda Madrid klubini tark etmoqchi va Diyego Simeone jamoasi oldingi chiziqqa sifatli o‘yinchi qidirmoqda. Biroq katta ehtimol “qizil iblislar” 18 yoshli futbolchining jamoani tark etishiga imkon bermaydi.
Oldinroq "Manchester Yunayted" Garnacho bilan uzoq muddatli shartnoma tuzishga tayyorligi haqida xabar berilgandi.
Hujumchining "Manchester Yunayted" bilan amaldagi shartnomasi 2024 yilning yoziga qadar mo‘ljallangan. Joriy mavsumda u klub safida barcha turnirlarda 13 ta o‘yinda maydonga tushib, 2 ta gol urdi va 4 ta golli uzatmani amalga oshirdi.
Garnacho "Atletiko" akademiyasi bitiruvchisi. U 2015 yildan 2020 yilgacha klubning yoshlar jamoasida o‘ynagan.