"Inter" hujumchisi Lautaro Martines "Monsa"ga qarshi o‘yindan so‘ng (2:2) VAR tizimini tanqid qildi.

"Bu katta o‘zgarish bo‘ldi, chunki voqea yakunda o‘yinning borishini o‘zgartirdi. Murabbiy aytganidek, agar to‘rt yoki besh yil foydalanishdan keyin ham VAR uni to‘g‘ri talqin qila olmasa, bu yerda nimadir noto‘g‘ri.

Shaxsan men VAR tarafdori emasman, u paydo bo‘lganida xursand bo‘lmagan va hozir ham shunday, lekin futbol uchun bu yangilik va biz unga moslashdik. Uni to‘g‘ri ishlatish kerak, aks holda siz hamma narsani buzishingiz mumkin. Bugun nafaqat bizga zarar yetkazdi, balki futbol uchun ham yomon.

Biz durang uchun mas’uliyatni o‘z zimmamizga oldik, birinchi bo‘limni ajoyib o‘tkazganimizdan so‘ng o‘yinni hal qilishimiz va ikkinchi bo‘limda yaxshiroq harakat qilishimiz kerak edi, ammo haqiqat shuki, hakam hushtak chalishdan oldin uch soniya kutishi mumkin edi. Mavsum boshida bizga hakamlar va yordamchilarni bir necha soniya kutishlarini aytishgandi" - dedi "Inter" DAZN bilan suhbatda.