"Leypsig" markaziy himoyachisi Yoshko Gvardiol yana transfer haqidagi mish-mishlarga izoh berdi.

Matbuot 20 yoshli xorvatni "Manchester Siti", "Chelsi" yoki "Real"ga o‘tishi mumkinligi bilan bog‘lamoqda, ammo "buqalar" o‘sib borayotgan yulduzni sotishga shoshilmayapti va futbolchining o‘zi ham klubni tezda o‘zgartirishni istamayapti.

"Leypsig"da qolishni rejalashtiryapman, bu yerda hammasi menga mos keladi. O‘ylaymanki, hamma Maks Eberlning klub meni qo‘yib yubormasligi haqidagi gapini eshitdi va bunga hech qanday e’tirozim yo‘q. Nima bo‘lsa ham, yozda sodir bo‘lishi mumkin. Hozircha klubda qolishni xohlayman", - dedi Gvardiol.