Niderlandiyada chempionat bahslari davom ettirildi, o‘n beshinchi turda "Ayaks" NEK bilan safarda o‘ynadi. Uchrashuvning birinchi bo‘limidan so‘ng amsterdamliklar oldinda borayotgan bo‘lsa-da, ikkinchi bo‘limda gol o‘tkazib yubordi va o‘yin durang bilan yakunlandi. Bu "Ayaks" uchun chempionatdagi qatorasiga to‘rtinchi g‘alabasiz uchrashuv bo‘ldi.
Ulardan uchtasi durang, yana bittasi mag‘lubiyat bilan yakunlangan. Jamoa 2012 yildan buyon bunday omadsiz seriyaga ega emas edi. Keyingi turda “Ayaks” Niderlandiya chempionati turnir jadvalidagi ta’qibchilaridan biri bo‘lgan “Tvente”ni o‘z uyida qabul qiladi. Ayni damda “Ayaks” ikkinchi, “Tvente” esa to‘rtinchi o‘rinni egallab turibdi.
