Нидерландияда чемпионат баҳслари давом эттирилди, ўн бешинчи турда "Аякс" НEК билан сафарда ўйнади. Учрашувнинг биринчи бўлимидан сўнг амстердамликлар олдинда бораётган бўлса-да, иккинчи бўлимда гол ўтказиб юборди ва ўйин дуранг билан якунланди. Бу "Аякс" учун чемпионатдаги қаторасига тўртинчи ғалабасиз учрашув бўлди.
Улардан учтаси дуранг, яна биттаси мағлубият билан якунланган. Жамоа 2012 йилдан буён бундай омадсиз серияга эга эмас эди. Кейинги турда “Аякс” Нидерландия чемпионати турнир жадвалидаги таъқибчиларидан бири бўлган “Твенте”ни ўз уйида қабул қилади. Айни дамда “Аякс” иккинчи, “Твенте” эса тўртинчи ўринни эгаллаб турибди.
